Често поставувани прашања

Најди Превоз е дигитална платформа која на едно место ги поврзува луѓето што бараат превоз со оние што нудат транспортни и сродни услуги. Пребарувате различни видови превоз, разгледувате понуди и профили и директно контактирате со понудувачот.

Најди Превоз е првата платформа што вклучува повеќе видови превоз на едно место: споделен превоз, автобуски превоз, такси, трансфери, организирани патувања, рент-а-кар, карго и транспорт, помош на пат и други сродни услуги.

Да. Содржините можете да ги разгледувате и без профил. Регистрација е потребна за одредени функции, како објавување, зачувување и контактирање.

Изберете што ви е потребно, внесете ги бараните информации и разгледајте ги достапните понуди.

Изберете понуда и користете ја достапната опција за контакт: преку апликацијата, телефон, е-пошта, Viber или WhatsApp.

Не. Цената и плаќањето ги договарате директно со превозникот. Најди Превоз не ја одредува цената, само ви помага да го пронајдете превозот што ви треба.

Таквите ситуации се решаваат директно со превозникот, согласно условите што сте ги договориле.

Можете да го пријавите огласот до Најди Превоз. При основано сомневање за прекршување на правилата или законите, платформата може да ја отстрани содржината или да го ограничи профилот.

Во делот „Регистрирај се“ ги внесувате електронската пошта, лозинката и основни информации за профилот, кои можете да ги менувате во секое време.

Секој полнолетен граѓанин може да креира профил и да објави понуда согласно правилата на платформата.

Директно во апликацијата можете да го промените, обновите или отстраните огласот.

Корисникот што го објавува огласот е одговорен информациите да бидат точни, целосни, ажурни и законити, согласно правилата на платформата.

Не. Секој понудувач самостојно е одговорен за лиценците, дозволите, регистрациите, осигурувањето и останатите законски услови за својата дејност.

Да. Ако сте регистриран корисник, функцијата е достапна на вашиот профил.

Да, профилот можете да го избришете директно во апликацијата.

Токените се дигитален кредит во Најди Превоз за платените услуги на платформата. Наместо секоја услуга да ја плаќате одделно со картичка, купувате токени и ги користите за промоција на оглас, истакнување на профил или претплатнички пакет.

Пред секоја платена услуга ја гледате цената во токени и вашето салдо, кое е прикажано и во профилот.

• промоција на оглас
• истакнување на профил
• промоција на релација
• претплатнички пакети
• други промотивни услуги достапни во апликацијата

Не. Пребарувањето и разгледувањето на понудите е бесплатно, а оглас можете да објавите и без активен пакет. Токени ви се потребни само за услугите означени како платени.

Секој регистриран корисник добива Лојалити месечни токени со кои може бесплатно да објавува огласи. Кога ќе се искористат, по потреба можете да купите дополнителни.

• Бонус токени: ги добивате бесплатно како бонус и важат до истекот на нивниот период.
• Лојалити токени: ги добивате секој месец како регистриран корисник, а дополнително и со претплатнички пакет. Важат за периодот за кој се доделени: еден месец, односно додека трае пакетот.
• Купени токени: ги купувате дополнително и немаат рок на истекување.

Системот автоматски ги користи по редоследот Бонус → Лојалити → Купени, па прво се трошат токените што имаат рок на важење.

Не. Токените се дигитален кредит наменет исклучиво за платените услуги во Најди Превоз. Не можат да се исплатат во готово, да се претворат во денари, да се префрлаат на друг корисник или да се препродаваат.

Токените ги купувате директно во Најди Превоз: го избирате пакетот токени, ја гледате цената и плаќате преку достапниот начин на плаќање. По успешното плаќање, токените се додаваат на вашето салдо.

Платените услуги се продаваат преку AgentaOS, со кој управува правното лице Aristokrates OÜ од Естонија. AgentaOS е Merchant of Record, односно правниот продавач. Тоа значи:

• плаќањето го вршите кон AgentaOS;
• потврдата/фактурата ја издава AgentaOS, кој ги решава и прашањата поврзани со трансакцијата;
• Најди Превоз не е правен продавач на токените и не издава фактура за нивното купување.

Плаќањата преку AgentaOS се во евра (EUR). Ако користите картичка или сметка во друга валута, на пример денари, вашата банка или издавачот на картичката ја врши конверзијата. Конечниот износ зависи од курсот и провизиите што ги применува тие.

Најди Превоз и AgentaOS не се одговорни за разликите во курсот или дополнителните провизии на вашата банка.

Ако токените или пакетите ги купувате преку App Store или Google Play, плаќањето се обработува според правилата на соодветната продавница. За плаќањето и евентуалното барање за поврат на средства важат условите и политиките на Apple или Google.

Basic, Silver и Gold се платени пакети со кои вашиот профил се прикажува подобро и повидливо, во зависност од избраниот пакет. Наменети се за корисници и превозници што сакаат профилот да им биде поистакнат од органското прикажување.

Пакетот не е услов за објавување оглас. Служи само за дополнителна видливост.

Да, ако имате доволно токени за обновување. Автоматското обновување можете да го исклучите во секое време. Ако нема доволно токени, пакетот истекува без наплата.